～1個半月前開通了中國支付寶，匯了2千人民幣
～半個月前增值了微信銀包，入了1千港幣，轉了5G 手機plan，每月有2GB 大灣區數據
～10天前領取小朋友回鄉卡
終於，星期日第一次一家四口去深圳了！
10:30 荃灣＞皇崗
$45 一位，大小同價
車駁車，等了不用10分鐘便上車了
皇崗口岸
中伏一：只帶了小朋友身份證及回鄉卡，忘記帶小朋友護照！
入境處職員問：小朋友護照呢？
我：(OMG) 唔好意思，我唔知要帶。🥺
入：身位證冇相係要拎埋passport，今次俾你地過，下次記住帶。
我：謝謝，唔該晒。🙏🙏🙏
其實，好多年冇返大陸，真係唔記得/ 唔知道要帶埋細路passport。因廢事帶咁多，特登唔帶。如果唔俾，過要回家拿passport 的話，真係超渾吉。😑🙄所以其實都算好彩。😁😆🤣😂
中伏二：由皇崗口岸行了15分鐘先去到地鐵站，大熱天時，又上落樓梯，又沙塵滾滾，仲有因地盤大多灰塵，尾段仲因工程進行，有架大型機器不斷噴水。總之就唔適宜推住bb 車一家大細行，建議改其他直接對接地鐵的口岸出會更好。
景點一：世界之窗站之益田假日廣場
原因：老公想去Gundam Base 朝聖
皇崗口岸＞步行到皇崗口岸地鐵站＞世界之窗（地鐵￥4一位）
要在車公廟站轉綫，車程總共約25分鐘。
車公廟站非常大，轉一轉，我們又不熟路，又上又落，估計都用了5-10分鐘！感覺又伏了！🫣
終於到了第一個目的地！首先，當然都離不開買野飲同買野食！
首先買了一杯楊支甘露 （￥21）
（除了老公外，其他人對高達模型毫無興趣🤣。）
去Gundam Base
去Lego 鋪頭行了一圈
在丘大叔買了一杯鴨屎香檸檬茶 （￥25.6）
第一次飲，味道都幾好飲，但我覺得個名就有點難聽，點解叫鴨屎香呢？
買了3盒海苔肉鬆小貝（￥29.7）
深圳M記買了兩杯麥旋風（買一送一）及菠蘿批
此外，買了小朋友東西及零食，合共（￥31.9）
景點二：一號綫大劇院（去深圳書城及KK Mall）（￥4一位）
因搭錯地鐵站，搭了去科學館，發覺沒有書城（幸好還沒出閘），然後多搭一個站去大劇院，一出站就是萬象城。
萬象城主要賣名牌，下面商場就好靚，對比下上面的就比較舊。
繼續打下卡先。
跟著終於搵到深圳書城，共買了￥358.12，其中，我買了以下書籍：
購買原因：
地圖：不嬲都鐘意買地圖
樂譜：不嬲都會買
中醫穴位：覺得幾得意
深圳深度遊：唔熟深圳，要研究下
逛完書城，已經很餓，入返萬象城，食返間港式茶餐廳：肥韜茶餐廳，老闆就是香港食神梁文韜。
我覺得有些搞笑，因為我地住荃灣，然後在深圳食，又見到大大隻Tsuen Wan。🤣🤣🤣
暴打渣男檸檬茶，個名都幾有創意。🤣🤣🤣
幾好食呀，2個飯1個飲品，埋單￥98，唔貴。
KK Mall
電子煙都可開間鋪？？！
吳尊呀～
吃蛙？？！😨😨😨 唔好搞我。
然後就去了KK Mall的反斗樂園玩。
暑假優惠：￥500 有900個代幣，所以就買了￥500，平均一個代幣的成本是￥0.5555....（好抵！）
每次推水晶要3個幣（￥1.666）
夾公仔4個幣 （￥2.222）
賽車5個幣
我自己會比較想玩揸車、跳舞、打鼓。
仲有好多其他，如兒童樂園一位￥68，可玩全日，沒時間限制。
玩了個幾鐘，只用了118個幣，即花了￥65.55，一百蚊也不到！餘下782個幣，可以到不同分店再玩。
玩完後，到另一間食肆吃晚飯，然後當然沿一號綫羅湖口岸直接回港。
是次即日快閃主要是陪小朋友玩加短暫離開香港，行程雖然不是太豐富，但也覺得很充實呢！
最後，深圳一天遊一家人埋單用了約￥1300。
深圳 Gundam Base 地址：深圳市南山區深南大道9028號益田假日廣場B1-47B1
